واشنگٹن (مانیٹرنگ ڈیسک) امریکی وزیر خزانہ اسکاٹ بیسنٹ نے خبردار کیا ہے کہ امریکی پابندیوں کے ممکنہ اثرات کے باعث 23 ستمبر سے دنیا بھر میں ایرانی ایئرلائنز کی پروازیں بند ہونے کا امکان ہے۔
Related Posts
امریکی وزیر خزانہ کے مطابق جو ہوائی اڈے ایرانی فضائی کمپنیوں کو ایندھن، لینڈنگ کی سہولت یا ٹکٹوں کی فروخت سمیت دیگر خدمات فراہم کریں گے، انہیں امریکی ڈالر پر مبنی مالیاتی نظام سے خارج کیا جا سکتا ہے۔
اسکاٹ بیسنٹ نے کہا کہ امریکا چین کی جانب سے ایران کے حوالے سے اختیار کیے جانے والے اقدامات پر بھی گہری نظر رکھے ہوئے ہے۔ ان کے بقول ایرانی پابندیوں پر عمل درآمد کے معاملے پر چینی مالیاتی حکام اور چین کے مرکزی بینک کے گورنر پان گونگ شینگ کے ساتھ مثبت رابطے جاری ہیں۔
