سندھ EPA کی ماہر ٹیم کا مہران یونیورسٹی کے یو ایس پاکستان سینٹر فار ایڈوانسڈ اسٹڈیز اِن واٹر کی ماحولیاتی لیبارٹریوں کا دورہ

جامشورو (رپورٹؒ: سندھ ریکا)  یو ایس پاکستان سینٹر فار ایڈوانسڈ اسٹڈیز اِن واٹر (USPCAS-W)، مہران یونیورسٹی آف انجینئرنگ اینڈ ٹیکنالوجی جامشورو میں سندھ انوائرنمنٹل پروٹیکشن ایجنسی (SEPA) کی ماہر ٹیم نے ماحولیاتی لیبارٹری کی سرٹیفکیشن کے سلسلے میں دورہ کیا۔

اس موقع پر ماہر ٹیم نے یو ایس پی سی اے ایس-ڈبلیو اور مہران یونیورسٹی کی لیبارٹریوں کا معائنہ کیا اور ٹیسٹنگ کے طریقہ کار، معیار کو برقرار رکھنے کے انتظامات، دستاویزات، رپورٹنگ سسٹم، دستیاب سہولیات، آلات اور حفاظتی انتظامات کا جائزہ لیا۔ یہ تمام امور سندھ انوائرنمنٹل پروٹیکشن ایجنسی کے لیبارٹری سرٹیفکیشن کے مقررہ معیار کے مطابق دیکھے گئے۔

ڈاکٹر تنویر احمد گادھی اور ڈاکٹر سیدہ سارہ حسن نے دورے کے دوران ماہر ٹیم کی معاونت کی۔ انہوں نے ٹیم کو لیبارٹری کی تجزیاتی صلاحیتوں اور تجارتی بنیادوں پر فراہم کی جانے والی ٹیسٹنگ سروسز کے بارے میں بریفنگ دی۔

بریفنگ میں ماحولیاتی قوانین اور ضوابط پر عمل درآمد، تعلیمی سرگرمیوں، تحقیق و ترقی اور سندھ سمیت پاکستان بھر میں تکنیکی صلاحیتوں کو فروغ دینے کے لیے لیبارٹری کے کردار پر بھی روشنی ڈالی گئی۔

یو ایس پاکستان سینٹر فار ایڈوانسڈ اسٹڈیز اِن واٹر، مہران یونیورسٹی نے سندھ EPA کی ٹیم کے دورے اور تکنیکی رہنمائی پر ان کا شکریہ ادا کیا۔